Orcollo, Pagulayan tutumbok sa Texas Open
MANILA, Philippines — Muling tutumbok sina dating world champions Dennis Orcollo at Alex Pagulayan sa 47th Annual Texas Open na lalarga sa Oktubre 28 hanggang Nobyembre 1 sa Skinny Bob’s Billiards sa Round Rock, Texas.
Tumataginting na $18,000 cash prize ang nakataya sa torneong inaasahang lalahukan ng matitikas na cue masters sa Amerika gaya nina Shane Van Boening, Justin Hall, Justin Bergman, Skyler Woodward at Josh Roberts.
Masuwerte si Orcollo sa Texas.
Nagkampeon na ito sa 6th Texas Open 10-Ball Championships noong Pebrero kung saan nagkamit ito ng $4,000 cash prize.
Sa naturang torneo rin nakumpleto nina Orcollo, Warren Kiamco at Francisco “Django” Bustamante ang 1-2-3 finish.
Target nina Orcollo at Pagulayan na masundan ang panalo sa kanilang mga huling torneong nilahukan sa American billiards circuit.
- Latest
