Pagulayan kampeon sa Illinois

MANILA, Philippines  — Muling inilabas ni da­ting world champion Alex “The Lion” Pagulayan ang matatalim na pangil nito upang pagharian ang 10-Ball at One Pocket events ng 2020 Aramith/Simonis Pro Classic Championship sa West Peoria, Illinois.

Naitakas ni Pagulayan ang gitgitang 14-13 pa­nalo laban sa kababayan nitong si Dennis Orcollo sa championship round upang makuha ang korona sa 10-Ball event.

Mainit ang simula ni Orcollo nang gamitin nito ang malalim na karanasan para itarak ang 6-2 bentahe.

Subalit hindi agad na­walan ng pag-asa si Pagulayan na unti-unti nakabalik sa porma para kunin ang walong sunud-sunod na racks at maagaw ang kalamangan sa 8-6.

Nagtabla ang iskor sa 10-all at 13-all bago tulu­yang makuha ni Pagulayan ang panalo.

Nakapasok si Pagula­yan sa finals matapos igupo sina Robb Saez, Josh Ro­berts at Tony Chohan.

Muling umariba si Pagulayan sa One Pocket event.

Naiselyo nina Pagula­yan at Orcollo ang all-Filipino finale.

Nadala ni Pagulayan ang magandang momento nito nang mabilis na dispatsahin si Orcollo, 6-0 demolisyon sa championship round.