Boxing event sa Omega pasado sa GAB

CEBU, Philippines — Ang "Kumbati 5" boxing promotion nga gipasiugdahan sa Omega Pro Sports International niadtong Miyerkules sa hapon didto sa IPI Sports and Recreational Sports Complex sa Dakbayan sa Mandaue nakakuha og maayo nga grado gikan sa Games and Amusements Board (GAB).

Mao kadto ang labing unang pro sports event sa nasud sukad sa lockdown niadtong Marso tungod sa kalibutanong pandemiya.

"Okay kaayo ang tanan ug less than 40 ra mi tanan sud sa venue  including boxers, trainers, ring officials, and the IPI working team," matud pa ni GAB supervisor Rolando Mendoza. "Sa fights, dunay delay gamay kay kinahanglan man ma-disinfect ang ring ug ang referee mag-change man og uniform every bout."

"Ang venue nindot ug exclusive kaayo with health compliance protocols. Nindot siya nga venue for the new normal in boxing promotions kay kumpleto with security guards, sanitizers ug uban pa," dugang pa ni Mendoza.