Bambol prayoridad ang kapakanan ng mga atleta at solidong POC
MANILA, Philippines — Ang pagkakaisa ng Philippine Olympic Committee (POC) at kapakanan ng mga national athletes ang prayoridad ni incumbent president Abraham ‘Bambol Tolentino para sa kanyang target na ikalawang sunod na termino.
Makakatapat ni Tolentino, pangulo rin ng cycling federation, para sa POC presidential post si archery chief Atty. Clint Aranas sa itinakdang eleksyon sa Nobyembre 27.
“I have big plans for the POC, especially for our athletes, and these plans will materialize if our team wins the election,’’ wika ni Tolentino, tinalo si Philip Ella Juico ng athletics sa nakaraang POC special election nang biglaang nagbitiw si Ricky Vargas ng basketball noong Hulyo ng 2019.
Nasa tiket ni Tolentino, kinatawan ng ika-8 distrito ng Cavite sa Kongreso, sina Tom Carrasco (chairman) ng triathlon, Al Panlilio (1st vice president) ng basketball, Ormoc City Mayor Richard Gomez (2nd vice president) ng fencing at pentathlon, Cynthia Carrion (treasurer) ng gymnastics at Chito Loyzaga (auditor) ng baseball.
Kabuuang 51 NSAs ang boboto kasama ang dalawa mula sa Athletes Commission at kay International Olympic Committee (IOC) executive member Mikee Cojuangco-Jaworski.
- Latest