Olympic hopefuls dapat nang maghanap ng sariling training venue
MANILA, Philippines — Nananatili pa ring sarado ang Rizal Memorial Sports Complex sa Manila City at ang Philsports Complex sa Pasig City dahil ginagamit ang mga ito bilang quarantine facilities para sa mga COVID-19 patients.
Kaya naman hindi pa rin ito nagagamit ng 19 National Sports Associations (NSAs) para sa kanilang mga atletang naghahangad ng tiket sa 2021 Oympic Games sa Tokyo, Japan.
Ayon kay Tokyo Olympics Chef De Mission Mariano “Nonong” Araneta ng football, dapat nang maghanap ang mga NSAs ng kani-kanilang training venue.
“Noong Friday nagsabi sila (Philippine Sports Commission) na changed of plans. Ang sa akin naman is that sana sabihin din ng duktor kung pupuwede o hindi. But nevertheless nag-meeting kami sa mga sports (NSAs) na kailangan ng venue at hanggang ngayon wala pa sila,” ani Araneta.
Ang mga NSAs na nakausap ni Araneta ay ang boxing, wrestling, taekwondo at karate.
May 84 pang national athletes ang naghahangad na makakuha ng Olympic berth mula sa 19 sports.
Tanging sina pole vaulter Ernest John Obiena, gymnast Carlos Edriel Yulo at boxers Eumir Felix Marcial at Irish Magno ang mayroon nang Olympic slot.
- Latest
