FIDE Master Nouri naghari sa CEPCA Super Blitz 3
CEBU, Philippines — Kampiyon si FIDE Master Alekhine Nouri sa Cepcan Alex Chua Super Blitz 3 nga kabahin sa regular weekend tournaments sa Cebu Executives and Professionals Chess Association (CEPCA).
Ang 14-anyos nga si Nouri nga kasamtangang varsity player sa University of Sto. Tomas (UST), nagtabla ni John Morazo nga mitali sab og 14.0 puntos, apan ang garbo sa Escalante City, Negros Occidental nga si Nouri maoy miangkon sa unang dapit gumikan sa mas taas niining tie-breaker.
Sila si Sherwin Tiu ug Rouzbeh Rostami pareho sab nga mikadlit og 12.5 puntos, apan si Tiu maoy miokupar sa ikatulong puwesto kortesiya sa dako niining tie-break output.
Si Grandmaster Joey Antonio miposte og 12.0 puntos aron pagpahiluna sa ikalimang dapit ning kompetisyon nga gipaluyohan nilang US-based Cepcans Engr. Alex Chua, usa ka nursing administrator sa Fidelity Healthcare didto sa Los Angeles, California ug US candidate master Engr. Josito "Jojo" Clamor Dondon sa Allen, Texas.Lain pang nanghawod sa senemanang torneyo sa CEPCA mao sila si Michael Joseph Pagaran.
Fiona Guireme sa Engr. Eladio Lim III Blitz, Rosendo Yamyamin sa Cepcan Amado Olea Jr. Arena ug Dr. Leo Lofranco sa Prexy Jerry Maratas Blitz.
- Latest