PBA mobalik oktubre 9 sa Clark bubble
CEBU, Philippines — Bisan og ang mga fans limitado nga motan-aw sa mga duwa sa telebisyon, usa ka bonggang pagbalik ang gikatakda sa PBA sud sa usa ka bubble nga ilang iplastada didto sa Clark City sa Angeles, Pampanga.
Samtang nagpaabot sa pagtugot sa kagamhanan, ang PBA mi-iskedyul nang daan sa pagbanhaw sa Season 45 Philippine Cup karong Oktubre 9 didto sa Angeles University Foundation (AUF) Gym diin ipahigayon ang usa ka torneyo nga modagan sud sa duha ka bulan.
Sa dili pa ang aksiyon, ang 12 ka teams dad-on na sa Clark City karong Septiyembre 26 aron magsugod sa ilang scrimmage.
"We're ready and we're excited," matud pa ni PBA board chairman Ricky Vargas. "Let's go on with this. This is something good not just for the PBA but for the Filipinos who love basketball."
Sila si Bases Conversion Development Authority CEO Vince Dizon ug Clark Development Corp. president Noel Manakil nagkupot og mahinungdanong papel sa pagdala sa PBA didto sa Clark.
Sud sa duha ka bulan, ang PBA ikandado didto sa Clark City sama sa gihimo sa NBA sa pagtiwas niini sa ilang season didto sa Lake Buena Vista duol sa Orlando, Florida.
Si PBA commissioner Willie Marcial nagkanayon nga bug-at nga silot ang ilang ipahamtang niadtong molapas sa ilang mga patakaran sud sa Clark bubble.
"Kapag lumabas sila, wala silang sweldo for a month, may fine sila ng 100k sa PBA at suspended sila for five games in the next season," sumala pa ni Marcial.
- Latest