Fajardo maglalaro pa rin sa Gilas women’s team
MANILA, Philippines — Maglaro man para sa Fairleigh Dickinson University sa New Jersey, USA ay isusuot pa rin ni Pinay cager Ella Fajardo ang uniporme ng Gilas Pilipinas women’s basketball team.
“For sure, whenever coach Pat (Aquino) needs me, or whenever the (Philippine) flag needs me, I’ll be there,” wika ng 5-foot-6 na si Fajardo sa Philippine Sportswriters Association (PSA) online Forum kamakalawa.
Naglaro si Fajardo para sa Gilas Pilipinas squad ni Aquino noong 2019 FIBA Asia Under-18 3x3 Tournament sa Malaysia kasama sina Kristine Cayabyab, Camille Clarin at Angelica Surada.
Inangkin ng tropa ang makasaysayang bronze medal sa nasabing torneo.
Ang 17-anyos na si Fajardo, nakabase ngayon sa US kasama ang kanyang pamilya, ay produkto ng BEST Center ng namayapang si Nic Jorge.
“I ready to represent my country as much as I can given the fact that I learned fundamentals from the BEST Center,” ani Fajardo. “I wouldn’t have been here if it weren’t for them.”
Si Fajardo ay isang incoming 12th grader sa Gill St. Bernard’s School at nakatakdang maglaro para sa Fairleigh Dickinson University Knights, isang US NCAA Division 1 school, sa college level.
- Latest
