G-League team ni Kai Sotto tawgon og Ignite
CEBU, Philippines — Ang grupo sa dekalibreng mga basketbolista gikan sa nagkadaiyang dapit sa kalibotan diin apil ang 7-foot-2 nga Pinoy'ng si Kai Sotto pagatawgon og "Ignite" sa ila unyang pagkumbati sa umaabot nga NBA G-League season.
"We're thrilled to officially announce NBA G League Ignite as the name of our new team for elite prospects," matud pa ni NBA G League president Shareef Abdur-Rahim. "We think it's a fitting moniker for a group comprised of young players taking the first step of their promising professional careers."
Makauban ni Sotto sa Ignite team mao ang kababayan niyang Fil-Am nga si Jalen Green, Pincepal Singh sa India, Jonathan Kuminga sa Congo ug ang mga Amerikanong si Isaiah Todd ug Daishen Nix. Imbes nga moduwa sa kolehiyo, si Sotto milahos sa G-League aron kab-uton ang iyang damgo nga mahimong labing unang Pinoy nga moduwa sa NBA.
Mo-coach sa Team Ignite mao si five-time NBA champion Brian Shaw. Ang 54-anyos nga si Shaw nakadaog og tulo ka titulo uban sa Los Angeles Lakers niadtong 2000 ngadto sa 2002 ug laing duha isip assistant coach sa Lakers niadtong 2009 ug 2010.
- Latest
