Laban ng Lahi Run kasado na sa Disyembre
MANILA, Philippines — Tuloy ang ‘Laban ng Lahi Platoon’ run na inilipat ang petsa sa Disyembre mula sa Setyembre 18 sa kabila ng pinakikiramdamang sitwasyon ng pandemya.
Sinabi ni President at Founder Laban ng Lahi sports events Captain Joenel Pogoy ng Philippine Air Force na lahat ng mga partisipanteng 33 bawat koponan ay handa pa ring sumabak at tumakbo sa Bislig, Surigao.
“Na-coordinate na namin na magiging successful ang event bagama’t wala pang nakatakdang petsa dahil most likely kung magwo-worsen ang pandemya at wala pang vaccine ay baka i-postpone na namin uli. Pero every year may champion tayo,” ani Pogoy sa TOPS Usapang Sports on Air.
Handa na rin sila sa ka-nilang guidelines at health protocols anuman ang iatas ng Inter-Agency Task Force (IATF).
Tuloy pa rin ang paglahok ng mga senior citizens sa Laban ng Lahi dahil una nang nagparehistro ang mga ito at titiyaking isolate sila at magkakasama sa isang eroplano pagpunta sa venue maging sa hotel accommodation at iyan ay ipapa-facilitate sa IATF.
Nakataya ang premyong P3 milyon sa magkakampeong troops.
- Latest