Clippers sinapawan ang pasabog ni Doncic
Nuggets, Raptors, Celtics wagi rin
LAKE BUENA VISTA, Florida — Binalewala ng Los Angeles Clippers ang eksplosibong laro ni point guard Luka Doncic para kunin ang panalo sa pagsisimula ng NBA playoffs kahapon dito.
Kumolekta si forward Kawhi Leonard ng 29 points, 12 rebounds at 6 assists habang may 27 markers si Paul George para ihatid ang No. 2 Clippers sa 118-110 pananaig sa No. 7 Mavericks sa Western Conference first-round playoff series.
Tumapos naman si Doncic na may 42 points, 9 assists at 7 rebounds, ngunit may 11 turnovers sa 0-1 pagkakaiwan ng Mavericks sa kanilang best-of-seven duel ng Clippers.
Humugot naman si Jamal Murray ng 10 sa kanyang 36 points sa overtime, para pamunuan ang No. 3 Denver Nuggets sa 135-125 paggupo sa No. 6 Utah Jazz.
Nagtala si center Nikola Jokic ng 29 points at 10 rebounds para sa panalo ng Nuggets sa Jazz.
Sa Western Conference, tumipa si guard Fred VanVleet ng 30 points at 11 assists para tulungan ang No. 2 at nagdedepensang Toronto Raptors sa 134-110 pagmasaker sa No. 7 Brooklyn Nets.
Nagsalpak si VanVleet ng 8-of-10 shooting mula sa three-point range para sa kabuuang 22-of-44 clip ng Toronto, nakahugot kay Serge Ibaka ng 22 points.
Nagtulong naman sina Jayson Tatum at Jaylen Brown para tulungan ang No. 3 Boston Celtics sa 109-101 paggupo sa No. 6 Philadelphia 76ers.
Tumapos si Tatum na may 32 points at 13 rebounds para sa Celtics.
- Latest
