Pacquiao kuntento sa welterweight division
Walang balak umakyat sa middleweight
MANILA, Philippines — Walang balak si reigning World Boxing Association (WBA) welterweight champion Manny Pacquiao na umangat pa sa timbang para makuha ang ninth-division world championship belt sa kanyang mga susunod na laban.
Mismong si Pacquiao na ang nagpahayag na kuntento ito sa kanyang weight class sa ngayon dahilan upang basagin ang naglabasang ulat ng posible nitong pagharap kay world champion Gennady Golovkin.
Nasa middleweight division si Golovkin na kasalukuyang may hawak ng Internanational Boxing Federation (IBF) at International Boxing Organization (IBO) titles.
Subalit masyadong malaki para kay Pacquiao ang tulad ni Golovkin.
At wala itong balak na lumaban sa middleweight class na itinuturing ng karamihan na isang malaking pagkakamali sakaling kagatin ito ng Pinoy champion.
“Kung 147 okay lang naman pero kung mas mataas pa dun parang masyadong malaki na sa akin,” ani Pacquiao.
Posible pang pag-isipan ni Pacquiao kung papalo sa 154 pounds ang weight class para sa laban nito kay Golovkin.
- Latest