Valdez sinorpresa ang mga magulang
Niregaluhan ng bagong kotse
MANILA, Philippines — Isa si Creamline Cool Smashers team captain at three-time UAAP MVP Alyssa Valdez sa itinuturing na pinaka-matagumpay na volleyball player sa bansa.
Makailang-beses na itong humakot ng MVP awards kasama pa ang ilang individual awards gaya ng Rookie of the Year at Best Spiker awards sa iba’t ibang liga.
At hindi maikakaila ng marami na rin itong naipundar sa kanyang ilang taon sa industriya ng volleyball.
Mula ito sa kanyang mga kinita sa paglalaro sa iba’t ibang volleyball clubs hindi lamang sa Pilipinas maging sa ibang bansa gaya ng Chinese-Taipei at Thailand.
Makailang-ulit na rin itong nasilayan bilang endorser o ambassador ng iba’t ibang sports products at apparels.
Kaya naman sa pagkakataong ito, muling binigyan ni Valdez ng panibagong sorpresa ang kanyang mga magulang.
Isang bagong kotse ang iniregalo ni Valdez sa parents nito na bunga ng dugo’t pawis nito sa paglalaro sa volleyball.
“Sa buong time na nag-aaral ako nasa Manila lang ako, lahat pino-provide sa akin ng parents ko, so today hopefully maging masaya sila sa ibinigay kong gift sa kanila,” wika ni Valdez.
- Latest
