Valdez inspirasyon ng mga kabataan
MANILA, Philippines — Hangad ni volleyball star Alyssa Valdez na maibahagi ang talento nito sa mga bagitong manlalarong nangangarap na umangat sa volleyball sa mga darating na panahon.
Nakiisa si Valdez sa social media campaign na “nothing can stop what we can do together” na naglalayong bigyan ng inspirasyon ang mga kapwa atleta, mga kabataan at mga nangangarap na indibidwal.
At handa si Valdez na makatulong lalo na sa mga batang nais sundan ang kanyang yapak.
“Volleyball has given me the opportunity to share my journey and story to younger generation and I hope i am able to inspire them to pursue their dreams in sports. Nothing can stop what we can do together,” ani Valdez sa kanyang post sa social media.
Isa si Valdez sa may pinaka-maningning na pangalan sa mundo ng volleyball sa bansa.
Tatlong beses itong itinanghal na Most Valuable Player (MVP) noong naglalaro pa ito para sa Ateneo de Manila University sa UAAP.
Makailang ulit din itong naging kampeon at MVP sa noo’y Shakey V-League.
Kasalukuyan itong team captain ng Creamline Cool Smashers sa Pemier Volleyball League (PVL).
- Latest
