NBA hahataw na bukas!
Lakers vs Clippers; Jazz kontra pelicans
ORLANDO, Florida -- Apat na buwan matapos mahinto ang basketball dahil sa coronavirus disease (COVID-19) pandemic ay idaraos ng NBA ang kanilang restart season bukas (Manila time) dito sa Disney World.
Lalabanan ng Utah Jazz ang New Orleans Pelicans habang magtatagpo sina LeBron James at Kawhi Leonard sa banggaan ng Los Angeles Lakers at Clippers para sa pagsisimula ng restart season.
Posibleng hindi maglaro si Anthony Davis para sa Lakers matapos masundot sa mata sa kanilang tune-up game ng Orlando Magic.
“There is some concern that he could potentially not play Thursday, but we’re hopeful that he does and we’ll see how that plays out,” wika ni Lakers coach Frank Vogel.
Maglalaro ang 22 koponan sa tatlong magkakaibang venues sa loob ng ESPN World Wide of Sports complex kung saan hindi papayagang manood ang mga fans.
Pansamantalang titira sa ‘bubble’ ang halos 350 players sa tatlong magkakahiwalay na hotels sa loob ng Disney World at istriktong ipapatupad ang mga health at safety protocols ng liga.
Ang mga players na darating sa Orlando ay kinakailangang manatili sa kanilang hotel rooms sa loob ng 48 hanggang makuha nila ang dalawang negative tests para sa COVID-19.
Magpapatuloy ang testing sa loob ng ‘bubble’.
Samantala sa huling araw ng mga scrimmages, umiskor si James Harden ng 24 points para akayin ang Houston Rockets sa 137-112 paggupo sa Boston Celtics habang tinalo ng Phoenix Suns ang nagdedepensang Toronto Raptors, 117-106.
Pinatumba ng San Antonio Spurs ang Indiana Pacers, 118-111,
Sa iba pang laro, pinadapa ng Oklahoma City Thunder ang Portland Trail Blazers, 131-120 at dinaig ng Memphis Grizzlies ang Miami Heat, 128-110.
- Latest
