Cebuana batters moduwa sa IX World Cup sa Mexico

CEBU, Philippines — Kon wa'y mga kakulian, ang Sugboanong batters nga sila si Wenchie Bacarisas ug Alaiza Montejo Talisik ug ang cousin-in-law ni Wenchie nga si Edlaine Bacarisas naghinam-hinam na nga morepresentar sa Pilipinas sa IX World Baseball Softball Confederation (WBSC) Women’s Baseball World Cup nga gikatakda karong Nobiyembre 12-21 didto sa Tijuana, Mexico.

Usa sa tulo lamang ka teams sa Asia nga moduwa sa 10 ka adlaw nga torneyo uban sa Chinese-Taipei ug Japan, ang mga Pinay nakaangkon og makasaysayanong luna sa the World Cup human nakabira og bronze medal sa Asian Cup niadtong Nobiyembre 2019 didto sa Panda Stadium sa Guangdong, China.

Mao kadto ang labing nindot nga performance sa Phl baseball team sud sa 48 ka tuig.

Ang ilang kadaogan nag-inat sab sa Pilipinas ngadto sa No.15 taliwala sa 20 ka nasud sa world rankings ibabaw sa China, Pakistan, France, Nicaragua ug Czech Republic.

Matud pa ni Edlaine nga bisan og wala pa'y klaro kon mahinayon ba o dili ang World Cup, padayon ang ilang training pinaagi sa online tungod sa kasamtangan sitwasyon.

"We're not sure kung tuloy po ang Word Cup although may schedule na po for the tournament," matud pa ni Edlaine. "But were preparing kahit nasa bahay kami. We make sure that our schedule of trainings and activities ay nagagawa namin sa tulong ng mga coaches. We make sure that we're always in touch. We do some meetings and discuss issues na pwede naming gawin at kung paano kami pwede makatulong sa team to make it more progressive."

Susama sab ang gipadayag nga kadasig ni Wenchie, kinsa nagkanayon nga gusto pa nilang bairon ang ilang abilidad aron mas mamaayo pa silang players ug ingon man magpabiling solido ang puwersa isip team.

"Even though our training is only digital and virtual for now, we make sure to attend all our training sessions aimed at improving and developing our performance as a team," paambit pa ni Wenchie. 

"We both feel privileged and honored to be a part of the Phl team," dugang pa ni Wenchie. "We're both excited and nervous at the same time in the upcoming World Cup this November knowing that the level of competition in this tournament is definitely higher and tougher."