Guiao mihangop lakang sa PBA
CEBU, Philippines — Gihangop ni NLEX Road Warriors coach Yeng Guiao ang lakang sa PBA pagpangita'g paagi ug solusyon aron mabalik ang aksiyon sa liga nga nahunong sud sa upat na ka bulan gumikan sa kalibutanong pandemiya.
Bisan pa sa nagpadayong pagsaka sa mga kaso sa Covid-19 sa nasud, hugot ang pagtuo ni Guiao nga ang PBA makabarog og balik.
"Dalawa lang ang choice natin, maghintay tayo ng vaccine na di natin alam kung kailan dadating o gumawa tayo ng paraan," paambit pa ni Guiao segun sa taho sa PBA.ph.
Matud pa ni Guiao nga usa kini ka solidong rason nganong ang PBA kinahanglan momartsa padung sa unahan dayon na ngadto sa pagkab-ot sa gitinguha niining pagtiwas sa naputol nga Season 45.
"We have to look for own solution and be proactive. We're the least of problems by government. Ang dami nilang problema kung sila ang iintayin natin. We have to start pushing for our own resumption," sumala pa ni Guiao.
- Latest
