1st barangay dancesports online competition nagmalampuson
CEBU, Philippines — Duna man tuoy ginagmay nga mga kakulian, apan sa kinatibuk-an nagmalampuson ang buena manong dalit sa labing unang Cebu City Barangay Dancesport Online Competition nga gipahigayon niadtong weekend.
Gumikan sa kadaghan sa nangapil ug nag-adjust pa sila sa teknolohiya nga ilang gigamit sa kompetisyon sa labing unang higayon, ang makasaysayanong kalihukan nga gipasiugdahan sa Cebu City Sports Commission (CCSC) inabagan sa Dancesport-Team Cebu City milanat og duha ka adlaw.
Kuti ug samok man tuod gamay ang mga eksena nga wala hikit-i, apan si CCSC chairman Ed Hayco malipayon nga hapsay nilang napadagan ang ilang torneyo nga nakadani og 90 ka mga partisipante gikan sa nagkadaiyang barangay sa dakbayan diin ang uban nagpuyo ubos sa lockdown kauban ang ilang pamilya.
"This competition is aimed to give them hope, and provide them a positive activity so the entire family will not be emotionally and mentally idle," sumala pa ni Hayco. "We will be organizing the competition every two weeks so they will be encouraged to practice together with their parents."
Mapasigarbuhon sab si Hayco nga nakaorganisar sila sa maong indigay sa sayaw nga maoy labing una dinhi sa Pilipinas ug lagmit sa tibuok Asya.
"This event is the first online dancersport competition in the Philippines, maybe even the first in Asia," dason pa ni Hayco. "We Cebuanos can pride ourselves that it is proudly made in Cebu."
- Latest
