Vargas tiwalang may mga susunod pang boxers
Kina Marcial, Magno sa 2021 tokyo olympics
MANILA, Philippines — Maaari pang madagdagan ang mga Pinoy boxers na makakasuntok ng tiket para sa Tokyo Olympic Games sa susunod na taon.
Kabilang sa mga tinukoy ni Association of Boxing Alliances in the Philippines (ABAP) president Ricky Vargas ay sina featherweight Nesthy Petecio, light flyweight Carlo Paalam, flyweight Rogen Ladon at bantamweight Ian Clark Bautista.
“Marami pa tayong boxers na hopefully puwedeng mag-qualify. Nesthy is a qualifier. I think she’s a 90 percent qualifier and she’s very eager to redeem herself,” ani Vargas sa gold medalist ng 2019 AIBA World Women’s Championships.
Nauna nang nakakuha ng Olympic berth sina middleweight Felix Eumir Marcial at flyweight Irish Magno kasama sina gymnast Carlos Edriel Yulo at pole vaulter Ernest John Obiena.
Naniniwala si Vargas na si Marcial ang posibleng makapagbigay ng kauna-unahang Olympic gold medal sa Pilipinas.
Ayon kay Vargas, tutok na ang 24-anyos na si Marcial sa kanyang pagsasanay para sa Tokyo Olympics na ipinagpaliban sa susunod na taon bunga ng coronavirus disease (COVID-19) pandemic.
“Eumir could be the first gold medalist that we’re looking if he gets enough training and if he keeps it up,” wika ni Vargas sa tubong Zamboanga City. “Focus na siya ngayon eh. That’s important.”
Tanging ang silver medal nina boxer Mansueto ‘Onyok’ Velaco Jr. at lady weighlifter Hidilyn Diaz ang pinakamalapit na medalyang nakuha ng Pilipinas sa Olympics.
Sinabi naman ni Philippine Sports Commission (PSC) chairman William ‘Butch’ Ramirez na patuloy nilang susuportahan si Marcial bilang miyembro ng national boxing team kahit magdesisyon siyang umakyat sa professional ranks.
“Eumir now is free to sign a professional ßß™contract without losing his right to represent the country,” wika ng PSC head kay Marcial na inaasahang pipirma sa MP Promotions ni Manny Pacquiao.
- Latest
