Pagbalik sa pro sports gihikay sa gab
CEBU, Philippines — Gihikay na karon sa Games and Amusements Board (GAB) ubos sa liderato ni Baham Mitra ang pagbalik sa tanang pro sports sa nasud. Apil na niini ang PBA ug ang tanang combat sports sama sa boxing, Muay Thai, MMA (mixed martial arts), motocross ug triathlon.
Human sa makuti nga pagtuon ug konsultasyon sa nagkadaiyang organisasyon sa pro sports, ang GAB opisyal nang misumiter og proposal sa Inter-Agency Task Force for the Management of Emerging Infectious Diseases (IATF-EID) aron pagseguro nga luwas ang pagbalik sa tanang pro sports sa nasud taliwala ning pandemiya.
Ang proposal sa GAB magsilbe sab nga giya sa IATF sa pagtimbang-timbang sa mga risgo ug ingon man sa ilang pagdedisir kon kanus-a ang labing maayong panahon nga puwede nang ibalik ang mga aksiyon sa sports.
"We are in close coordination with the different professional sports bodies. PFF submitted its operational protocols last week, while PBA submitted its own health and safety guidelines last Friday. PFF is proposing to adopt a "No spectators rule and to shorten football conferences," matud pa ni Mitra.
Kabahin sa boksing, si GAB boxing division chief Dr. Jesuscito Garcia gustong ipahigayon kini nga 'closed-door' kon wa'y fans nga manan-aw kon ugaling tugotan na kini sa kagamhanan.
- Latest
