Jordan 'nasuko', nanawagan og kausaban
CEBU, Philippines — Usa si NBA legend Michael Jordan nga miduyog sa kalibotan sa paugnat sa kusog pagpanawagan og kausaban sa gitawag niyang tradisyon nang 'racism' taliwala sa kamatayon ni black American George Floyd leapt leagues and continents. Sa usa ka opisyal nga pamahayag, ang tag-iya sa Charlotte Hornets nga si Jordan nagkanayon nga siya nasubo, nasakitan, ug nasuko sa daw nabatasan nang pagdaog-daog sa mga tawo nga lahi og kolor sa ilang nasud.
"I am deeply saddened, truly pained and plain angry. We have had enough," matud pa ni Jordan nga migiya sa Chicago Bulls ngadto sa unom ka kampiyonato sa NBA niadtong dekada '90s.
Sa susamang adlaw nga si Jordan mipabuhagay sa iyang sentimento, si NBA Commissioner Adam Silver mipadala og internal memo ngadto sa mga empleyado sa NBA diin gipadayag sa liga ang kasubo ug pagkadismaya niini sa nadangatan ni Floyd sa kamot sa otoridad.
Sila si Fil-Am Jordan Clarkson sa Utah Jazz, Boston Celtics forward Jaylen Brown ug Philadelphia 76ers forward Tobias Harris lakip sa pipila ka mga NBA players nga misalmot sa malinawong protesta aron ipadangat ang ilang kawsa niadtong weekend.
- Latest
