4-time SEAG champion katuwang sa COVID-19 fight
MANILA, Philippines — Kabilang si four-time Southeast Asian Games hammer throw champion Arniel Ferrera sa ilang-daang atletang katuwang ng pamahalaan sa pagsugpo ng coronavirus disease (COVID-19).
Ilang taon ding pinagsilbihan ni Ferrera ang bayan nang magbigay ito ng karangalan sa bansa sa SEA Games.
Apat na sunod na edisyon nagkampeon si Ferrera sa biennial meet - noong 2003 sa Hanoi, Vietnam; 2005 sa Manila; 2007 sa Nakhon Ratchasima, Thailand; at noong 2009 sa Vientiane, Laos.
Nakapilak ito noong 2011 sa Palembang, Indonesia, at 2013 sa Naypyitaw, Myanmar.
Huling nasilayan sa aksiyon sa SEA Games si Ferrera noong 2017 edisyon sa Kuala Lumpur, Malaysia kung saan nagkamit ito ng tansong medalya.
Ngunit hindi rito natapos ang paglilingkod sa bayan ni Ferrera dahil tuloy ito sa kanyang tungkulin bilang enlisted personnel sa Philippine Air Force.
Hanggang ngayon, bahagi ito ng Air Force kaya’t kabilang si Ferrera sa mga bayaning frontliners na katuwang sa COVID-19 fight.
- Latest
