Pacquiao andam makigbinukbukay ni Crawford
CEBU, Philippines — Andam si Pinoy right star Manny Pacquiao nga makigbunukbukay ni WBO champion Terence Crawford sa usa ka 'unification bout.'
Mao kini ang gipadayag ni Top Rank chairman Bob Arum atol sa eksklusibong interbyu uban ni Philboxing contributor Peter Maniatis nga gitaho ni Dong Secuya sa Philboxing kagahapong adlawa.
Matud pa ni Arum nga nagka-estorya sila ni Pacquiao pinaagi sa Zoom diin ang eight-division world champion mipahibalo sa iyang kaandam ang makigsukmagay ni Crawford ibabaw sa ring.
Kon ugaling mabalik na sa normal ang sitwasyon ug mahimo nang ipahigayon ang maong away sa umaabot, gusto ni Arum nga mahitabo kini sud ning tuiga gawas sa Amerika.
“Manny wants the fight to happen this year because he's running for political office next year, for the presidency,” sumala pa ni Arum.
Gawas ni Crawford, lain pang gihugon-hugon nga maoy sunod makontra ni Pacquiao mao sila si Conor McGregor, Mikey Garcia, Danny Garcia ug Errol Spence.
Wala say pagkapalong ang gihandum nga rematch nilang Pacquiao ug Floyd Mayweather Jr., apan sa pagka karon si Crawford maoy labing init nga gi-estoryahan aron maengkuwentro sunod ni Pacman.
- Latest