Ewing na-ospital tungod sa COVID-19
CEBU, Philippines — Ang NBA Hall of Famer nga si Patrick Ewing, kinsa mao na karon ang head coach sa Georgetown University, nalandig sa tambalanan gumikan sa COVID-19.
Ang 57-anyos nga si Ewing misuwat sa iyang Twitter ug matud pa nga nagpositibo siya sa bagsik nga virus nga padayon karong nanghasi sa tibuok kalibotan.
"This virus is serious and should not be taken lightly," matud pa sa giyukboan nga sentro sa New York Knicks. "I want to encourage everyone to stay safe and take care of yourselves and your loved ones.
Ang Georgetown athletics department nagkanayon nga si Ewing mao lamang ang miyembro sa ilang men's basketball program nga nagpositibo sa virus.
Si Ewing nga sakop sa US Dream Team nga nakadaog og gold medal sa 1992 Olympics, nakabira sab og Olympic gold niadtong 1984. Nakaduwa siya og 17 ka seasons sa NBA, sagad niini uban sa Knicks diin siya nahimong All-Star 11 ka higayon.
- Latest
