NBA season lagmit mabalik karong Hulyo

CEBU, Philippines — Ang NBA gikatakda nga mo-isyu og mga lagda sa mga teams karong Hunyo 1 kabahin sa pagpatawag niini og balik sa mga players nga anaa sa lagyong mga lugar isip kabahin sa mga lakang sa liga nga tiwason ang naputol niining season gumikan sa pandemya.

Ang gipasabot sa NBA kadtong mga international players nga nanguli sa tagsa-tagsa nila ka mga nasud human masuspenso ang liga tungod sa pagkuyanap sa coronavirus niadtong Marso didto sa Amerika.

Segun sa taho sa ESPN, pahibaw-on sab sa NBA ang mga teams nga mahimo na nilang palapdan pa ang ilang regulasyon kabahin sa individual workouts diin puwede nang moapil ang mga team personnel.

Sagad sa mga team owners ug club executives ang nangagpas nga si commissioner Adam Silver moanunsiyo sab karong  nga   mabalik na ang aksiyon sa liga sa naghinapos nga bahin sa Hulyo.

Padayon pa hinuon nga gisabotan karon sa  kadagkoan sa NBA kon unsay format sa nahibiling bahin sa season.

Labing segurado hinuon nga ang tanang mga duwa ipahigayon sa usa na lamang ka lugar. Gisaytan nga mga binyu mao ang Orlando, Florida ug Las Vegas, Nevada.