Unang pagkita nilang Jordan LeBron wala kasabot sa gibati

CEBU, Philippines — Mikompisal si Los Angeles Lakers star LeBron Jordan  nga wala siya makasabot sa iyang gibati sa dihang una niyang nahimamat ang iyang idolo nga si NBA legend Michael Jordan. Ang four-time MVP ug three-time NBA champion mibalik lantaw sa iyang kagahapon pinaagi sa iyang Uninterrupted podcast pagkahuman og salida sa "The Last Dance", ang 10 ka serye sa dokumentaryo sa ESPN nga nagtuki sa karera ni Jordan.

Matud pa ni James nga dunay duha ka butang nga iyang nasugatan sa iyang kinabuhi nga nakausab sa iyang kinabuhi.

Kini mao ang iyang asawa nga iyang gikauban sukad niadtong 2002 ug sa dihang iyang nahimamat si Jordan niadtong 2001. Niadtong higayona 16-anyos pa lamang si James ug secong year high school. Nag-abot ang ilang dalan ni Jordan sa labing unang higayon didto sa Chicago sa usa ka pick-up game kauban ang iyang mga higala.

Matud pa ni James nga nawad-an siya'g pulong nga ikalitok sa dihang nakita sa iyang mga mata ang giyukboan nga Bulls superstar.

"When I met Michael Jordan for the first time, I literally couldn't believe it was him. The dude looked like Jesus Christ to me,"matud pa ni James.