Yap di pa moretiro hangtod makampiyon ang Rain or Shine
CEBU, Philippines — Dili pa andam si two-time MVP James Yap nga tak-upon sa hingpit ang mabulukon niyang karera sa PBA.
Iya lamang kining buhaton kon ugaling madaog siya og kampiyonato sa PBA uban sa Rain or Shine Elasto Painters.
Ang 38-anyos nga si Yap nakasakmit na og pito ka PBA titles, apil na niini ang grandslam uban sa Purefoods niadtong 2014, apan wala pa sila makabira og korona sul-ot ang uniporme sa E-Painters.
“Pang-third year ko na sa Rain or Shine. So, bago man lang matapos ang career ko sana makapag-champion naman sa Rain or Shine," matud pa ni Yap segun sa taho sa The Philippine STAR.
Mao nang si Yap nagkanayon nga maghuna-huna lamang siya nga moretiro kon ugaling iya nang mahatagan og kampiyonato ang Rain or Shine.
“Hindi pa talaga kasi ang focus ko ngayon paano makapag-champion ang Rain or Shine. Yan ang main goal dito," dugang pa sa garbo sa Escalante City.
Si Yap nakaduwa uban sa Purefoods sud sa 12 ka tuig, apan mitapon sa Rain or Shine niadtong 2016 pinaagi sa usa ka eksplosibong trade nga naghatod ni Paul Lee ngadto sa Star Hotshots.
- Latest