Clarkson saludo sa desisyon ni Green
MANILA, Philippines — Saludo si Filipino-American NBA star Jordan Clarkson ng Utah Jazz sa ginawang hakbang ng kapwa Filipino-American cager na si Jalen Green na nagdesisyon sumabak sa NBA G-League.
Nagpasya si Green na ipagpaliban muna ang pag-aaral at pumirma ng $500,000 kontrata para maglaro ng isang season sa isang NBA G-League team.
Ayon kay Green, ito ang magiging stepping stone niya para unti-unting makapasok sa NBA.
“The ultimate end goal is to get to the NBA. With that being said, I have decided to partner with the NBA G-League’s new team for elite players,” ani Green.
Alam ni Green na marami siyang matututunan sa NBA G-League na lubos na hahasa sa kanyang kakayahan at posibleng magamit sa kanyang future stint sa NBA.
“The main reason for this is I want to get better, I want to develop a better game. I want to work on my craft, get stronger and things like that. That way, I can be better for the NBA. This is the best route to prepare myself to get one step closer so I can be ready when that time comes,” aniya.
Nakatanggap naman ng kaliwa’t kanang papuri mula sa iba’t ibang NBA stars ang ginawang desisyon ni Green.
Isa na rito si Clarkson na malapit sa puso ni Green dahil sa kanilang parehong pagkakaroon ng dugong Pinoy.
“Game changer!,” ayon kay Clarkson sa kanyang Twitter post.
Nagkomento rin si Donovan Mitchell na katropa ni Clarkson sa Jazz.
“Bro just changed the game! Salute and congrats youngin,” ani Mitchell.
- Latest
