Pinas naibanan og kontra sa Olympic weighlifting
CEBU, Philippines — Naibanan og duha ka kontra ang Pilipinas sa 2020 Tokyo Olympics nga mahitabo sunod tuig na.
Kini gumikan kay gi-ban sa International Member Federation Sanctions Panel (IMSFP) ang mga weightlifters gikan sa Thailand ug Malaysia gikan sa pagsalmot sa Olympics human sa ubay-ubay nilang mga kalapasan kabahin sa sa lagda sa mga ginadiling droga.
Matud pa ni Samahang Weightlifting ng Pilipinas president Monico Puentevella nga ang IMSFP misagpa og duha ka tuig nga ban sa mga Thais, samtang ang Malaysians gisilotan og usa ka tuig nga suspensiyon.
Ang maong mga silot aprubado sa International Weightlifting Federation (IBF).
Gumikan niini, ang Thailand ug Malaysia dili sab makasalmot sa 2021 Southeast Asian Games didto sa Hanoi, Vietnam.
Sa Olympics, labing hayag nga pambato sa nasud nga makapugnit og medalya mao gihapon si Hidilyn Diaz.
- Latest
