Coach Spoelstra gidasig ang Miami Heat
CEBU, Philippines — Gidasig ni Fil-Am NBA coach Erik Spoelstra ang iyang mga sakop sa Miami Heat nga maghuna-huna ug mobati og kaluoy sa uban ning panahon sa kalibotanhong krisis gumikan sa novel coronavirus (COVID-19) pandemic.
Sa usa ka conference call uban ni Tim Reynolds sa Associated Press, gipaambit ni Spoelstra kon unsay iyang gipangbuhat ug ingon man gipangsulti sa iyang mga players atol ning quarantine.
Una, iyang gipahimangnoan ang iyang mga magduduwa nga sa kanunay magpositibo kabahin sa ilang panglantaw sa kinabuhi bisan og wala pa'y kasiguroan ang umaabot.
Si Spoelstra, kansang inahan lumad gikan sa San Pablo, Laguna, miawhag sab sa iyang mga players nga moapil sa mga kalihukan pagtabang sa uban ilabi na niadtong labing naapektohan ning makalisang nga virus.
Nagkanayon si Spoelstra nga mismo sila naapektohan ning krisis, apan angay nilang huna-hunaon nga daghan kaayo ang tabanganan ning higayona ug kinahanglan nila kining suportaan.
- Latest
