Gastusin lolobo!-- Tokyo Games organizers

Dahil sa bagong schedule

MANILA, Philippines — Inaasahan ng mga Tokyo Olympics organizing committee na lolobo ang gastusin nito dahil sa pagbabago ng schedule ng Olympic Games na idaraos na sa susunod na taon.

Sa kasalukuyan, tumataginting na $12.6 bilyon na ang nagagastos ng organizing committee, government ng Japan at ng Tokyo City para sa Tokyo Games.

Dahil sa pagkakalipat ng petsa, apektado ang Olympic Athletes’ Village, hotels, ticketing, venues at transportation na pangunahing nagbibigay ng sakit ng ulo kung paano aayusin ng mga organizers.

“What is being recognized is that there will be additional costs on one side for the Tokyo organizing committee and there will be additional costs for the IOC and Olympic family,” ani Olympic Games executive director Christophe Dubi.

Nirerepaso na ng mga organizers ang budget para malaman ang kakailanganing dagdag pondo.

“We are looking into those with great detail. It is tens of thousands of lines of budget that need to be reviewed. Had a fantastic campaign in terms of marketing, ticketing, hospitality,” ani Dubi.

Bago ang kanselasyon, nasa tamang direksiyon ang Tokyo Olympics ngunit walang magawa ang mga organizers sa desisyong ilipat ang petsa dahil sa coronavirus disease (Covid-19) pandemic.

Mas importante ang kaligtasan ng mga atleta, opis­yales, coaches at mga fans na daragsa sa Japan para manood ng mga laro.

“Tokyo 2020 was in a great financial position prior to the crisis. It is truly helpful because the revenues are incredibly high. That’s something we can rely on,” dagdag ni Dubi.

Tiniyak naman ng mga organizers na mabilis itong mapa-plantsa dahil may eksaktong petsa na ang bagong schedule ng Tokyo Games na tatakbo mula Hulyo 23 hanggang Agosto 8.

“It’s very good because we have a date. For us, it means we have some certainty,” ani Dubi.