Fil-Am nga si martin moapil sa sunod nga NBA Draft
CEBU, Philippines — Ang Fil-Am nga si Remy Martin pormal nga mideklarar sa iyang intensiyon nga mosalmot sa 2020 NBA Rookie Draft. Kon ugaling palaron, si Martin mao unya ang ikaduhang player nga dunay dugong Pinoy nga makaduwa sa NBA sunod ni Jordan Clarkson nga kanhi sakop sa Los Angeles Lakers, apan karon nagsul-ot na sa uniporme sa Cleveland Cavaliers.
Gipahibalo ni Martin ang iyang plano pinaagi sa usa ka social media post nga iyang giapilan og bandila sa Pilipinas.
"I have worked towards the opportunity to play in the NBA and I have now decided to take another step into making my dream a reality," matud pa sa six-footer nga guwardiya.
Ang 21-anyos nga si Martin nakaduwa sud sa tulo ka seasons uban sa Arizona State U Sun Devils diin siya mi-average og 13.8 points, 4.0 assists ug 3.1 rebounds matag duwa. Mas bangis siya karong tuiga diin siya mipatak og 19.1 points, 4.1 assists ug 3.1 rebounds matag duwa.
Nasulod unta ang Sun Devils sa Final Four sa NCAA nga gibansagan og "March Madness", apan temporaryong gihunong ang aksiyon gumikan sa pagpanghasi sa coronavirus. Mao sab kini ang hinungdan nganong wala pa'y klaro sa pagka karon kon aduna ba'y mahitabong NBA Draft karong tuiga.
- Latest
