Pacquiao ug iyang pamilya gihangyo mag-quarantine
CEBU, Philippines — Si Senador Manny Pacquiao ug ang iyang pamilya giawhag sa iyang mga silingan didto sa usa ka eksklusibong village sa Makati City nga magpabilin sa ilang balay human nag-viral sa social media ang usa ka video diin siya makita kauban ang usa ka laing magbabalaod nga nataptan sa coronavirus.
Sa usa ka suwat ngadto sa senador, ang homeowners sa Barangay Dasmariñas nagkanayon nga si Pacquiao usa na karon ka PUM kon "person under monitoring” human ang bidyu ni Sen. Aquilino 'Koko' Pimentel III nga nag-party sa balay ni Pacquiao mikatap sa internet.
"Many of your colleagues in Senate have been identified to be COVID-positive. Therefore, you have to be quarantined at your own house," awhag pa sa mga residente sa Barangay Dasmariñas ngadtong Pacquiao.
"For your own family and household's safety, please have yourself self-quarantined, stay home. No one, including any of your household, can come out," they added. "If you need something, please call the barangay... We can procure things for you and send it to your doorstep."
Si Pimentel nga mipahibalo ning semanaha nga dunay siya'y COVID-19, gisaway sa publiko gumikan sa paglapas niini sa gimando nga quarantine sa dihang iyang gikuyogan ang mabdos niyang asawa sa ospital ug girisgo niini ang mga health workers sa virus. Gawas niini, nakit-an sab siya nga nag-shopping sa S&R.
Sa sayo pa, si Pacquiao nagkanayon nga ang mga sakop sa PDP-Laban, apil na ang presidente nilang si Pimentel, nagmiting sa iyang balay didto sa Makati niadtong Marso 4.
Si Pimentel mipahibalo nga nadawat niya ang resulta sa iyang test niadtong Marso 24. Nagpa-test siya niadtong Marso 20 human makasinati sa panakit sa iyang lawas.
- Latest