Player sa Pistons naka- rekober sa coronavirus

CEBU, Philippines — Hingpit nang nakarekober si Christian Wood sa Detroit Pistons sa makalisang nga coronavirus.

Si Wood maoy ikatulong NBA player nga nag-positibo sa COVID-19 sunod ni Utah Jazz big man Rudy Gobert ug sa teammate niining si Donovan Mitchell.

Segun sa taho sa WXYZ Detroit, ang ahente ni Wood namahayag nga nakarokober na si Wood ug maayo na ang paminaw niini.'

Gumikan niini, si Wood maoy labing unang NBA player nga nakalingkawas sa makuyaw nga virus.

Sa iyang bahin, si Gobert padayon pang nagpatambal. Nawad-an siya og abilidad nga makapanimaho nga usa sa mga sintomas sa maong virus.

Duna pa'y ubang NBA players nga nag-positibo sa virus, upat niini gikan sa Brooklyn Nets apil si Kevin Durant ug ingon man si Marcus Smart sa Boston Celtics.

Duna sa'y duha ka players sa Los Angeles Lakers nga nag-positibo apan wala kini nganli.