Player sa Pistons nag-positibo sab
Wood ikatulong NBA player nga na-igo sa COVID-19
CEBU, Philippines — Si Christian Wood sa Detroit Pistons nag-positibo sa coronavirus ug nahimong ikatulong NBA player nga nataptan sa COVID-19.
Ang Pistons, nga wala mihingan ni Wood, mi-isyu og pamahayag kagahapong adlawa diin ilang gikompirma nga usa sa ilang mga players ang nag-positibo sa virus nga mikalas og kapin sa lima ka libo na ka mga kinabuhi sa nagkdaiyng dapit sa kalibutan.
“A player on the Detroit Pistons, who is under the care of team medical staff and in self-isolation since Wednesday night, was tested for COVID-19. A preliminary positive result came back on March 14,” matud pa sa Pistons.
“The health and safety of our players, our organization, those throughout our league, and all those potentially impacted by this situation is paramount. We are working closely with team medical staff, state and local government and public health officials and the NBA on reporting. The individual will remain in isolation and under the care of team medical staff.”
Ang ahente ni Wood nga si Adam Pensack mitug-an sa Detroit News nga ang iyang kliyente maoy gipasabot sa Pistons.
Si Wood, 24 anyos, nakasinati og sintomas sa trangkaso sa wala pa miduwa sa Pistons batok sa Philadelphia 76ers sa miaging semana. Sa maong duwa, mikadlit siya og career-high 32 puntos.
Niadtong Marso 8, si Wood mi-iskor og 30 ug milangkat og 11 ka rebounds alang sa Utah Jazz, kansang big man nga si Rudy Gobert maoy labing unang NBA player nga nagpositibo sa gikahadlokang sakit.
Ang teammate ni Gobert nga si Donovan Mitchell maoy ikaduha.
Niadtong Biyernes, giawhag sa Pistons ang tanan nilang players, coaches ug staff nga ma-self quarantine alang sa ilang kaluwasan ug kaayuhan taliwala niining krisis sa panglawas nga gi-atubang karon sa tibuok kalibutan.
- Latest
