NorthPort, Magnolia isinara sa publiko ang practice
MANILA, Philippines — Gusto lamang ng NorthPort at Magnolia na makaiwas ang kanilang mga players sa banta ng new coronavirus (COVID-19).
Isinara ng mga Batang Pier at Hotshots sa publiko ang kanilang ensayo isang araw matapos kanselahin ng PBA ang mga laro sa 2020 Philippine Cup.
“No visitors will be allowed during practice,” nakasaad sa inilabas na memo ng NorthPort.
Dumadaan din sa temperature check ang mga taong pumapasok sa team practice facility ng Batang Pier sa Green Meadows gym sa Pasig City.
Sa closed door din ginagawa ang ensayo ng Magnolia sa RONAC Gym sa San Juan City.
“In light of the COVID-19 situation, the Magnolia Hotshots will implement closed door practices effective March 12, 2020,” wika ng Hotshots sa kanilang official statement.
“The health and safety of our staff, players, and fans remain to be our top priority during this period.”
May temperature reading din bago pumasok sa RONAC gym habang binibigyan ng alcohol at sanitizers ang mga players ng Magnolia.
Inaasahang ganito rin ang gagawin ng mga tropa ng Barangay Ginebra, Meralco, TNT Katropa, Alaska, Rain or Shine, NLEX, Phoenix, Blackwater at Columbian bilang pag-iwas sa COVID-19.
Wala pang pahayag si PBA Commissioner Willie Marcial kung kailan ibabalik ang mga laro ng 2010 Philippine Cup.
Unang sumalang sa season-opening conference ang five-time champions na San Miguel at karibal na Magnolia.
Bagama’t hindi naglaro si six-time PBA MVP June Mar Fajardo bunga ng leg injury ay pinatumba pa rin ng mga Beermen ang Hotshots, 94-78, sa pagbubukas ng torneo noong Linggo sa Smart Araneta Coliseum.
- Latest
