Chicken proven nagsolo sa ikaduha
CEBU, Philippines – Nag-inusara karong naglumlom sa ikaduhang dapit ang Chicken Proven human midaog sa Alfa sa 1st Dayon Basketball League (DBL) Invitational Tournament.
Dili basta-basta ang kadaogan sa Chicken Proven kay ilang gilubong ang Alfa, 83-60 niadtong Sabado diha sa Sambag 1 Sports Complex.
Ang Chicken Proven miposa na karon og 4-1 nga baraha sa bracket B standing ning maong liga nga giorganisar sa aktibo ug maabtikong konsehal sa Barangay Sambag 1 nga si Allan Glen Abella.
Si J. Labrador maoy bida sa Chicken Proven nga mitusik og 15 puntos.
Ang Chicken Proven labaw og 10 puntos sa first period. Wala pa matagbaw, ila pa nga gibingat ang labaw ngadto sa 40-25 sa halftime. Samtang nagkagamay ang oras, nagkadako sab ang labaw sa Chicken Proven.
Sa laing bahin, ang Bulldogs nakatangag na sab og daog human ma-forfeit ang Shawn Arjud ug midaog sab pinaagi sa forfeiture ang Jas Burger batok sa Vippers.
Ang mga duwa ning maong liga nga gipaluyohan sa Dayon Enterprises and Printing Press, AJ Sportswear, Atisor Cakes Art 'N Design, Sisig Teriake ug Cebu's Tasty gipadagan nilang Edwin Dejacto inabagan nilang Bede Sungahid, Bobot Cabrera, Talyo Tamara ug Paw Dejacto sa CEBRA.
PUNTOS MATAG USA
CHICKEN Proven (83) – J. Labrador 15, Gadiane 11, Matas 10, Alcantara 10, Radaza 8, Rubio 8, Labrador 6, Taboada 6, Limbaga 4, Gala 3, Alfar 2.
ALFA (60) – Ricaplaza 20, Nava 16, Dedios 13, Estrada 6, Durago 5.
- Latest