TSO & Co. laraw motapos sa ikatulong dapit sa PICPA-Cebu basketball tourney
CEBU, Philippines — Human mapakyas pag-abante sa finals, ang TSO & Co. mosuway na lang pagsakmit sa ikatulong puwesto sa PICPA-Cebu Basketball Cup 2019-2020 season.
Ilang harungon ang napakyas sab nga Strikers karong Sabado, Marso 7 sa ala-1 sa hapon diha sa Capitol Parish gym sa may
dalan Escario, Cebu City.
Ang TSO & Co. ni playing team owner ug coach Jun Oyangoren magsalig sa iyang numero unong magduduwa nga si Vienson Romero, kinsa gikatakdang modawat og award isip sakop sa mythical five.
Kinahanglan sab sa TSO & Co. ang suporta nilang Jade Labaya, Lorenzo Labaya, Dirko Elcullada, Karl Leyson,
Carlito Lao-as, JP Tanato, Benjie Aliser, Elvin Ompad ug Romeo Trocio aron makab-ot ang gipangandoy nga daog. Itugyan sab ni
Oyangoren ang iyang pagsalig ngadto sa iyang playing coaches nga silang Rodjun Taneo ug Arnold Supilanas.
Human sa ilang gubat alang sa ikatulong dapit, isunod dayon ang 3-point shootout sa dili pa ang kampiyonato tali sa RPM ug COA.
Isunod sab dayon ang pagpahigayon sa awarding ceremony.
Ang liga nga gisalmotan sa siyam ka koponan, giorganisar sa PICPA-Cebu, ang hugpong sa mga accountant sa Sugbo
ubos sa liderato sa presidente niining si Marichu Benlot.
Gipaluyohan sab kini sa Waterfront Hotel and Casino ug Kysia Beach Inn Siargao.
- Latest