Lakers hiniya ang 76ers
LOS ANGELES - Humugot si Anthony Davis ng 18 sa kanyang 37 points sa ratsada ng Lakers sa second quarter para paluhurin ang Philadelphia 76ers, 120-107.
Nagposte si LeBron James ng 22 points, 14 assists at 7 rebounds para sa Los Angeles, pinaganda ang record sa 47-13.
Tumipa si Davis ng apat na 3-pointers at humaltak ng 13 rebounds para sa Lakers na sinamantala ang hindi paglalaro nina injured starters Joel Embiid, Ben Simmons at Josh Richardson ng 76ers.
Dinuplika ni Glenn Robinson III ang kanyang career high na 25 points kasunod ang 18 markers ni Tobias Harris para sa Philadelphia, naipatalo ang siyam na sunod na road games simula noong Enero 20.
Sa Phoenix, humataw si Pascal Siakam ng 33 points habang may 28 markers si Kyle Lowry para ihatid ang Toronto Raptors sa 123-114 panalo laban sa Suns.
Tinapos ng Toronto ang kanilang three-game losing skid at nakahugot kay Norman Powell ng 26 points at kumolekta si Chris Boucher ng 19 points at 15 rebounds.
Sa Denver, iniskor ni Eric Paschall ang siyam sa kanyang 22 points sa fourth quarter at nagtala si Andrew Wiggins ng double-double para pamunuan ang Golden State Warriors sa 116-100 paggupo sa Nuggets.
Tumapos si Wiggins na may 22 points at 10 assists para sa Warriors, samantalang may 14 markers si Dragan Bender sa huling araw ng kanyang 10-day contract.
- Latest
