Shumava Residence midemolis sa vipers 1st DBL Caging
CEBU, Philippines — Nag-uban gihapon sa ikaduhang dapit ang Shumava Residence ug ang Chicken Proven human midaog sa ilang tagsa-tagsa ka mga kontra sa managlahing paagi.
Ang Shumava Residence miduwa pa og 40 minutos sa wala nila maangkon ang makabungog nga kadaogan batok saVipers sa iskor nga 111-71, samtang lahi ang Chicken Proven kay midaog kini nga walay hago human ma-forfeit ang Bobcats.
Ang Shumava Residence ug Chicken Proven parehong nagbitbit og 3-1 nga baraha sa bracket B standing.
Mitusak og 33 puntos si Jun Isok aron mangu sa balanseng opensa sa Shumava Residence, kansang kadaogan nagpangamay sa sayong bahin sa third period human milansang og 60-26 nga labaw.
Wala sab magpaalkansi si Fred Camacho nga mipatuasik og 23 puntos alang sa Shumava Residence nga wala moila og sipyat sa nag-unang tulo ka kuwarter nga nakapalubong sa Vipers.
Ang Vipers nga adunay 1-3 win-loss record, gipangulohan ni James Savellon nga mipabuhagay og 23 puntos, gisundan ni Jon Abad sa iyang 16 puntos.
Sa laing bahin, midaog sab ang Karahus human ma-forfeit ang ELJ 77.
Ang Karahus nagtangag na og 2-4 record, samtang ang ELJ 77 adunay 2-3 nga baraha ning maong liga nga giorganisar ni Sambag 1 barangay councilor Allan Glen Abella.
Gisuportahan kini sa Dayon Enterprises and Printing Press, AJ Sportswear, Atisor Cakes Art 'N Design, Sisig Teriake ug Cebu's Tasty.
Ang mga duwa gipadagan nilang Edwin Dejacto inabagan nilang Talyo Tamara, Bede Sungahid, Bobot Cabrera ug
Peter Lalican sa CEBRA.
PUNTOS MATAG USA
SHUMAVA (111) – Isok 33, Camacho 23, Biosano 18, Tundag 12, Duenas 6, Intes 5, M. Tundag 4, Judilla 2, Lucernas
2.
VIPERS (71) – Savellon 23, Abad 16, Rivera 8, Amaba 8, Amora 4.
- Latest
