Co-Jordan batok silingan sa finals

CEBU, Philippines – Ang Co-Jordan Disco Mobile miiskor og makabungog nga kadaogan batok sa Sparks, 72-57 aron moabante sa finals sa Curva Liloan Basketball Tournament niadtong Domingo didto sa Curva basketball court sa lungsod sa Liloan, Cebu.

Si Michael 'The Rock' Tañan maoy topscorer sa Co-Jordan Disco Mobile nga mipaarak og 14 puntos.

Ang team owner nga si Richard Jordan miariya og 12 puntos alang sa iyang koponan nga wala na molingi pa sukad kini miposte og 34-29 sa halftime.

Miburot pa ang labaw sa Co-Jordan ngadto sa 53-45 human sa tulo ka kuwarter.

Samtang nagkagamay ang oras, nagkadako sab ang labaw sa Co-Jordan nga nakaangkon og katungod sa pakigsangk sa team Silingan sa tagakay nga kampiyonato.

Ang Siligan miabante sab sa finals dihang ilang gipilde ang Curva sa iskor nga 73-63.

PUNTOS MATAG USA

Unang duwa:

CO-JORDAN (72) – Tañan 14, Jordan 12, Manzo 9, Pellejera 9, Yu 9, Canjo 8, Grafe 5, Monterroyo 2, Armero 2,

Mendoza 2, Catinoy 2.

SPARKS (57) – Barquio 16, Madrid 12, Bacatan 11, Ano-os 7, Lauroa 5, Pepito 4, Garcia 2.

Ikaduhang duwa:

SILINGAN (73) – To-ong 28, Maglasang 19, Cabasag 6, Avila 6, Sabang 6, Maghanoy 4, Ybañez 4.

CURVA (63) – Ortega 16, Mael 12, Ekil 12, Palero 7, Luchavez 5, Titing 3, Clint 2, Emen 2.