Knicks sabog sa Rockets
HOUSTON — Nagtungo si James Harden sa memorial service para kina Kobe at Gianna Bryant sa Los Angeles bagama’t may laro ang Rockets kinagabihan.
“It was everything just to pay my respects,” sabi ni Harden. “To show my condolences to the family. Obviously it’s a tough time for them, for the entire world, so it was a must that I be there and show my respects.”
Dumating sina Harden, Russell Westbrook at P.J. Tucker sa arena halos 70 minuto bago ang tip-off matapos dumalo sa memorial service.
Umiskor si Harden ng 37 points para akayin ang Rockets sa 123-112 paggupo sa New York Knicks at ilista ang kanilang ikaapat na sunod na panalo.
Tumipa si Harden ng 31 markers sa halftime para ibigay sa Houston ang 72-57 abante laban sa New York.
Sa Los Angeles, humataw si Kawhi Leonard ng 25 points at may 22 markers si Montrezl Harrell para ihatid ang Clippers sa 124-97 paggulpi sa Memphis Grizzlies.,
Tinapos ng Los Angeles ang kanilang three-game losing skid.
Sa Salt Lake City, kumolekta si guard Ricky Rubio ng 22 points, 11 assists at 7 steals para tulungan ang Phoenix Suns sa 131-111 pagdaig sa Utah Jazz.
Naglista si Devin Booker ng 24 points at 10 assists para sa Suns habang may 16 markers si Deandre Ayton.
- Latest
