Gilas milubong sa indons
CEBU, Philippines — Miduwa nga walay naturalized center ug kuwang sa kasinatian, ang batan-ong Gilas Pilipinas mipakita sa ilang abilidad ug gilubong ang Indonesia, 100-70 sa FIBA Asia Qualifiers niadtong Domingo didto sa Britama Arena sa Jakarta, Indonesia.
Hinay pa ang sugod sa Gilas nga naporma pa niadtong miaging bulan ubos sa bag-ong coach nga si Mark Dickel, apan mikalit og kusog ilang opensa sa third period aron biyaan ang Indonesia.
Mibida sa Gilas ang managsuong sila si Thirdy ug Kiefer Ravena uban sila si CJ Perez ug Cebuano RR Pogoy.
Si Thirdy adunay 23 puntos ug walo ka rebounds, samtang si Pogoy mipauwan og tres alang sa 16 puntos ug sila si Kiefer ug Perez miiskor og 11 ug 10 puntos matag usa.
Ang sunod nga duwa sa Gilas unya pa sa Nobiyembre batok sa South Korea ug Thailand.
- Latest