Alab kaging sa Malaysia sa ABL

CEBU, Philippines – Nakatilaw og sakit nga kapildihan ang Alab Pilipinas human sila gilubong sa Malaysia Dragons, 80-92 sa ASEAN Basketball League kagahapon didto sa MABA Stadium sa Malaysia.

Inilog ang Alab ni coach Jimmy Alapag sa maong duwa, apan sila kay wala ang sinaligan nilang import nga si Justin Brownlee dihang nabiyaan kini sa eroplano gikan sa Pilipinas paingon sa Malaysia.

Tungod kay wala si Brownlee, naglisud ang Alab sa opensa hinungdan  nga gibiyaan sila sa Indonesia og 28 puntos sa halftime. Misuway pagukod ang Alab, apan nakabsan sila og oras.

Nangulo sa Alab si Nick King nga adunay 28 puntos, samtang ang 7-foot-6 nga si Sam Deguara igo lang mitampo og kuwatro. 

Walay local players nga miiskor og double figures  alang sa Alab.