Brownlee mubalik duwa sa Alab
CEBU, Philippines — Ang giisip nga labing malampusong import sa PBA nga si Justin Brownlee kompirmado nga mubalik og duwa uban sa Alab Pilipinas sa nagpadayong 2020 ASEAN Basketball League.
Si Brownlee, kinsa mipatilaw og laing kampiyonato sa Barangay Ginebra Kings sa miaging Governors Cup, daling gibira sa Alab ni coach Jimmy Alapag human usab nila papaulia ang import nga si Prince Williams kinsa mi-average lang og 9.6 points.
Ang team owner sa Alab nga si Charlie Dy nagkanayon nga dako og matabang si Brownlee sa pagsaka pa sa standing sa Alab nga laraw nga mubalik sa finals sa ABL.
Ang 31-anyos nga si Brownlee gitakda nga moapil sa team practice karon ug moduwa sa Alab sa Miyerkules batok Kuala Lumpur Dragons nga pambato sa Malaysia.
Si Brownlee makig-uban sa laing duha ka imports nga sila si Sam Deguara ug Nick King.
Si Brownlee lakip sa Alab nga misakmit sa 2018 ABL championship diin gikauban niya sila si Ray Parks Jr. ug Renaldo Balkman.
- Latest
