Pacquiao, Kobe papagitna sa MPBL All-Star Game

MANILA, Philippines — Maghaharap ang Team Pacquiao kontra sa Team Ko­be sa Celebrity 3x3 bas­ketball game ngayong araw sa  2019-2020 Ma­har­lika Pilipinas Basketball League (MPBL)-Chooks-to-Go  Lakan Cup All-Stars extravaganza sa Mall of Asia Arena sa Pasay City.

Pamumunuan ni MP­BL founder at CEO Sen. Man­ny Pacquiao ang Team Pac­quiao, habang si Kobe Pa­ras naman ang top pla­yer ng Team Kobe sa 10-minute, race to 21 3x3 All-Stars game.

Kasama ni boxing icon Pacquiao sina Thirdy Ra­vena ng Ateneo Blue Eagles, Alvin Pasaol ng Zam­boanga Familty Sardines at Fil-Am Troy Rike, habang sasandal din si Pa­ras ng UP Maroons kina Movie-TV actor Gerald Anderson ng Imus Bandera, Fil-AM Joshua Munzon at TV personality Andre Pa­ras.

Bukod sa celebrity all-stars ay magkakaroon din ng 3x3 game sa pagitan ng Northern Stars na sina JP Belencion ng Pasay Vo­yagers, JR Alabanza ng Bulacan Kuyas, Aris Dio­nision ng Manila Stars at Paolo Hubalde ng Valen­zuela Classics.

Itatapat naman ng Southern Stars sina Rodel Vaygan ng Mindoro Ta­maraws, Leo de Vera ng Zamboanga Family Sar­dines, Nick Demusis ng Ba­coor Strikers at dating PBA MVP Jayjay Helterbrand ng Imus Bandera sa 3x3 All-Stars battlle.