Pacquiao-McGregor Fight daku'g purohan madayon
CEBU, Philippines – Nagkahayag ang kahigayonan nga madayon ang 'mega fight' tali nilang Manny Pacquiao ug Conor McGregor.
Kini human nga gipahibalo ni Pacquiao nga mipirma na siya sa Paradigm Sports Management nga mao na'y bag-o niyang promoter.
Ang Paradigm mao sab ang nagdala sa karera ni McGregor.
"We're very excited to announce that Manny Pacquiao has signed with PSM for full service representation! Manny is one of the greatest boxers of all time & we look forward to working with Arnold, Ping and the rest of the team back in Manila to maximize his historic career," kabahin sa statement gikan sa Paradigm.
"I am proud to partner with Paradigm Sports Management and am excited for the opportunities that Audie Attar and PSM have to offer," matud pa ni Pacquiao sa iyang social media account.
Sa wala pa siya mitapon sa Paradigm, si Pacquiao mikuha sa Al Haymon promotion nga modala sa mga miagi niyang sangka.
Karon nga usa na sila og promosyon, dako'g kahigayona nga magkasangka sila si eight-division world champion nga si Pacquiao ug mixed martial artist nga si Mcgregor.
Sa wala pa ang sangka ni McGregor niadtong Enero, ang Irish superstar una nang mihagad ni Pacquiao og usa ka boxing match karong tuiga.
Kon mahitabo, kini pa lang ang ikaduhang boxing match ni McGregor human ni Floyd Mayweather Jr. niadtong 2017.
Sa maong sangka, si McGregor napilde ni Mayweather.
- Latest