Belo miatras sab sa Gilas
CEBU, Philippines — Laing beterano nga si Mac Belo miatras usab sa pagduwa sa Gilas Pilipinas sa FIBA Asia qualifiers.
Si Belo mitug-an nga napugos siya pagbalibad sa Gilas pool tungod sa iyang knee injury ug gusto siya nga mopahuway una aron dili kini mograbe.
Ang pagpahibalo ni Belo nahitabo usa ka adlaw human sila si Christian Standhardinger ug Japeth Aguilar miatras sab tungod sa managlahing rason.
Gumikan niini, anaa na lang sa 21 ang mga players sa Gilas pool ug mga nahibiling bigmen alang ni Gilas coach Mark Dickel mao na lang sila si Marc Pingris, Troy Rosario, JP Erram ug ang rookie nga si Isaac Go.
Ang unang window sa FIBA qualifiers gikatakda karong Pebrero 17 diin Gilas manulong sa Thailand.
Ang Pilipinas otomatik na makakuha og luna sa 2023 World Cup isip usa ka host.
- Latest
