Barangay Ginebra mao na ang giisip nga no. 1 title contender sa PBA All-Filipino Cup
CEBU, Philippines – Ang Barangay Ginebra Kings mao na karon ang giisip nga No. 1 title contender.
Kini gumikan kay ang San Miguel Beermen mapiangan tungod sa pagkawala ni June Mar Fajardo, kinsa dili makaduwa sa All-Filipino Cup nga buksan sunod bulan tungod sa injury.
Ang 6-foot-10 nga si Fajardo nakahiagum og seryosong injury sa iyang tiil niadtong Martes atol sa team practice. Gioperahan dayon siya pagka Miyerkules ug gikinahanglan niini ang pipila ka bulan nga pahuway.
Sa pagkawala ni Fajardo, nakita nga ang Ginebra karon ang adunay labing tag-as nga line-up tungod nila ni 7-footer Greg Slaughter ug Japeth Aguilar.
- Latest