Nietes naglaraw moretiro kon dili makakuha'g dakong away karong tuiga

CEBU, Philippines — Naglaraw si Pinoy boxing legend ug three-time division world champion  Donnie 'Ahas' Nietes nga moretiro na lang siya kon ugaling dili pa siya kakuha og dakong away karong tuiga.

Kini ang gitug-an ni Nietes ngadto sa iladong boxing journalist ug The Philippine STAR columnist  Quinito Henson dihang mitambong si Nietes sa paglusad sa librong "50 Greatest Filipino Athletes of All Time" didto sa kaulohan.

Si Nietes wala misaka sa ring niadtong miaging tuig ug katapusan siyang miaway niadtong Disyembre 2018 diin gisakmit niya ang WBO super flyweight title batok Kazuto Ioka.

Surprisa nga gibuhian ni Nietes ang bakus aron mosaka sa 115 pounds, apan wala siya kakuha og away.

"Nietes said he's waiting for an offer to fight the big names in the superflyweight division but it’s not likely comingsoon. He said if no big fight comes along, he's prepared to hang up his gloves," matud ni Henson.

Samtang sayo pa ang tuig, si ALA Promotions CEO Michael Aldeguer bukas pa nga modawat og tanyag alang sa usa ka sangka ni Nietes.

"He wants to fight Ioka again, Estrada, Yafai and Chocolatito. Hopefully, this year, he gets the chance," matud ni Aldeguer.